Global Action Bridging Aspiring Youth Welcomes You

12 Reasons Why You Should Thank Your
Teachers
Aminin man natin o hindi, malaki ang bahaging ginagampanan ng mga guro sa paghubog ng ating mga kinabukasan, kilala mo pa ba ang mga guro mo mula sa una hanggang sa kasalukuyan o noon nasa kolehiyo? Oh teka, kung proud at nasa puso mo pa sila i-mention mo nga sila sa comment section.
Bago natin ilatag ang labindalawang dahilan kung bakit dapat mong pasalamat ang inyong mga guro gusto ko lamang ipaalam sa inyo na lahat tayo ay posibleng naging impormal na guro na rin sa ating sarili, kapatid, magulang, pamilya, komunidad o sa mas malawak pang antas kaya lubos din ang pasasalamat ng buong Global Action Bridging Aspiring Youth (GABAY) sa iyo.
12 Reasons Why You Should Thank Your Teachers
1. They taught you to count and what counts more. Tinuruan nila tayong magbilang ng mga numero mula sa paisa-isa hanggang sa maramihang numero na halos kabaliwan ng marami sa atin dahil lumalagpas na ating mga daliri pero lingid sa kaalaman natin tinuruan din nila tayong bilangin ang karanasan, samahang di malilimutan at mga desisyong mas matimbang ang tama at patas na pagpapasya, ang piliin ang kasiyahan at pagmamahal.
2. They taught you to read the right information and your dreams. Sila ang gumagamot sa ignorance at deficiencies natin pagdating sa ating basic competence; pagbasa,pagsulat at pagbilang. Pero higit pa roon, tinuturuan dinnila tayong makamtan ang mga pinapangarap natin paglaki tulad na lamang ng pagiging inhinyero, doktor at abogado.
3.They gave you a herculean task which turns you into your current personality and shape. “Ano ba ‘yan ang dami namang pinagagawa!” madalas itong maririnig lalo na kapag patapos na ang quarter at pasahan na ng project o dinama’y “hell week” kung tawagin. Lingid sa kaalaman ng marami, gabundok din ang trabahong kailangang tapusin ng mga guro sa mga ganitong panahon madalas pa nga’y nalilimutan na nila ang sarili, pagkain at ang oras. Kung OT lang ang usapan, may nanalo na!
4. They influence you and your future. Ito ang isa talaga sa dapat ipagpasalamat natin. Napakalaking ambag ng kanilang mga paraan ng pagtuturo at pakikisalamuha nila sa atin kaya naiimpluwensyahan nila tayong kahiligan ang mga bagay na hindi natin akalaing iibigin natin.
5. They serve as everyone’s second guardian while learning from them. Second Mother/ Father natin ang mga guro dahil bukod sa serbisyong pagtuturo halos araw-araw nilang iniisip at minamatyagan ang kaligtasan ng kanilang mga “anak” mula sa pagpasok sa gate ng school hanggang sa pag-uwi.
6. They are inspiring. Aminin nating may isang guro kayong talagang masasabing nyong best of the bests talaga yung tipong di mo malimutan at pilit mong binabalik-balikan kahit na di ka na nya estudyante. Yung tipong kapag oras na nya sa classroom ninyo, ganado ka at tipong sabik matuto sa bawat leksyon niyang hatid. Magpasalamat ka sa kanya dahil isa siya sa mga naging daan para maabot mo ang inaasam mong tagumpay. I-comment mo ang pangalan niya upang mabasa nya ang bahaging ito.
7. They listen and believe in students for the benefits of all concerns. Takot man o sabik kang magreport sa harap ng buong klase tiyak akong makikinig at makikinig pa rin ang gurong nagmamatsag sa iyo sa likuran man o gilid ng silid-aralan. Ipagpasalamat mong binigyan ka niya ng importansya at kinilala ka upang maging tagapagsalita sa harap ng maraming manunuod. Doon pa lamang ay mapatutunayan na nating naglalaan ang bawat guro ng tiwala sa bawat nitong mag-aaral.
8. They choose to work under pressure. Maraming hamon ang kinahaharap nila sa araw-araw, may klase o pasok man o wala, tinataguyod nila ang sariling pamilya’t kalidad ng edukasyon sa loob at labas ng paaralan. Kabilang pa rito ang sandamakmak na forms na dapat tapusin. At higit sa lahat, sila rin ay minsan nating nurse, emergency team, pintor sa loob ng room, investor ng white board, chalk at iba pa, gayundin ang pagiging counselor sa tuwing may pangangailangang emosyunal at police sa tuwing may kaguluhan. Kaya’t sa rami ng responsibilidad na pinanghahawakan nila, nararapat lamang na pasalamatan natin sila.
9. They are learning while teaching. Ang buhay ay walang hanggang pag-aaral. Totoo iyan higit para sa mga gurong dapat at inuusig na matutuhan lahat ng bago at nagbago upang maging epektibo sa kanilang mga estudyante. Ngayon tayo ay sinusubok ng pandemyang di natin alam ang wakas at katiwasayan pero patuloy na sinisikap ng mga guro na maitaguyod ang bukas at malayang pag-aaral para sa ating lahat. Marami nga sa kanila’y buong bakasyong kaharap ang laptop at cellphone upang matuto mula sa mga webinar at youtube tutorial kung paano gumamit ng prezi, canva, google meet, zoom at iba pa upang maibigay ang mataas na kalidad ng edukasyon para sa lahat. Kaya mula sa buong team ng Global Action Bridging Aspiring Youth kami po ay nagpapasalamat sa lahat lahat ng inyo pong sakripisyo’t pagsusumikap.
10. They are idols. Kung may kilala man tayong pinakamagaling umakting sa lahat marahil sila na iyon; kaya nilang pagtakpan ng kanilang magagandang ngiti at malinis na pananamit ang gusot at ang hirap ng kanilang gawaing iniiwan na lamang nila sa bahay o sa kanilang platera. Ikinukubli nila ang lahat ng lungkot at negatibong emosyon maging ang pisikal na suliranin tulad ng sakit maibigay lamang ang sapat at angkop na pag-aaral sa atin sa araw-araw kaya nama’y IDOL talaga silang lahat.
11. They create safe spaces. Takbuhan sila ng mga estudyanteng halos “anak” na rin nila sa kanilang ikalawang tahanan kapag kailangan ng kasangga sa problema sa buhay o di nama’y nangangailangan ng sapat at akmang payo. Nagbibigay liwanag at linaw sila sa mga madidilim na pasya ng ating pagkabata at kawalan ng muwang sa akala nati’y kongkreto at wastong pasya. Lumilikha sila ang pag-asa sa ating puso at isip na nakabubuhay sa ating diwa upang manatiling matatag at may pagpapakumbaba.
12. They are heroes. Sila ay mga tunay na bayani sa loob man o sa labas ng klasrum. Sila ay mga tunay na bayani lampas lampas man sa propesyon nila o sahod kaya nama’y naniniwala akong malaking bahagi na rin ang kanilang ginampanan sa paaralan, kabataan, bayan at kinabukasan.
Sa pagtatapos, hiling ng buong pamunuan ng GABAY na i-mention mo ang pangalan ng mga gurong gusto mong pasalamatan sa mga sandaling ito, walang tiyak nabilang o dami basta alam mong malaki ang naitulong at impluwensya sa iyo. Dahil sa pagtatapos ng World Teacher’s Day, may iaabot kaming simpleng regalo sa sampung (10) gurong pinakamaraming banggit sa post na ito. Muli, Happy Teacher’s Month po sa ating lahat!